Fala im...

Mi ih gedamo svaki dan, znamo da imaju mota ali opeta neznamo ca oni u neku uru cine doma. Kako svoju jubav prima pismi i domovini pretaču u slova ka svakog taknu drito u srce. Ti ljudi imaju dar dan lipo od Boga jer nima nikog na svitu ki ne voli glazbu. Koliko nas ona pokreće i koliko je dio nas često nismo nanka svijesni.
Oni to znaju i za to fala klapi Sol, i posebno Branku jerbo tom coviku triba dignut spomenik. Toliko nan je toga da a nadajmo se da se još neće štufat. Zato ću se usudit zafalit se u ime svih onih ki su ponosni ca su Pažani bez da se reklamiraju kad komentiraju i pokušavaju od Paga nacinit brend već 500 godišć samo ca ne živeju u njega i ne znaju za one male jude zbog kojih još postoji. Oni ki se ne fale okolo a i ne išćeju falu od okoline. Oni ki se tiho bore a rade puno jer malo po malo i skupit će se.
I onda opet čitan dalje komentari okolo di se jave zli glasi na onome Bebićevon tekstu na BNB-u. Ma more vas bit sram. Ko mislis da si boji nacini bilo ca korisno pa će se i tebe falit pa će ti pasat. Prefrigano je to, razumiš. E samo za to triba imat voje, jubavi i triba se žrtvovat.
I zato ću i ja stavit ovdi i zamolit svih da zovete na ovi broj 060/500-800 i ziberite broj 50. I pomozite svojiman, i oni bi vamin. A to i cine samo pari mi se da nisu jos svi svatili koliko je značaj toga...Još jednon najveća fala i vavik smo uz vas!!!!